Все в тобi!


Рубрики

Антихрист Никониянство Символ Веры История География Ныне Новости

Примеры благочестия

Страстотерпец Аввакум Царь Михаил Митрополит Алимпий Ананий Килин Рябушинские Анна Путина

Согласы

Поповцы

Беспоповцы

Святые места Старой Веры

Москва Поморье Поволжье Алтай Забайкалье Приморье Малороссия Эстляндия Лифляния Литва Америка

Апологетика Старой Веры, свидетельства

Евангелие Ветхий Завет Номоканон Кормчая (II) Китежский лет-ц

Древнерусская библиотека

О сотворении Адама Сказание, как сотворил Бог Адама О Адаме

Обряд

Крещение Ссылки
Господи. Iсусе Христе, Сыне Божiи, помилуй нас грешныхъ!

ЖИТИЕ ПРОТОПОПА АВВАКУМА



(Из сборника: Житие протопопа Аввакума. Житие инока
Епифания. Житие боярыни Морозовой. Статьи, тексты,
комментарии. - СПб: Глаголъ, 1993. - 240с.
Звездочки в тексте - ссылки на комментарии; см. их
в конце текста.

2-3

Крест - всем воскресение, крест - падшим исправление, страстем умерщвление и плоти пригвождение. Крест - душам слава и свет вечный. Аминь.

Многострадальный юзник темничной, горемыка, нужетерпец, исповедник Христов священнопротопоп Аввакум понужен бысть житие свое написати отцем его духовным иноком Епифанием, да не забьвению предано будет дело Божие. Аминь.

Всесвятая Троице, Боже и содетелю всего мира, поспеши и направи сердце мое начати с разумом и кончати делы благими ихже ныне хощу глаголати аз, недостойный. Разумея же свое невежество, припадая молю ти ся, и еже от тебя помощи прося: Господи, управи ум мой и утверди сердце мое не о глатолании устен стужатиси (1), но приготовитися на творение добрых дел, яже глаголю, да добрыми делы просвещен на судищи десныя ти страны причастник буду со всеми избранными твоими. И ныне, Владыко, благослови, да воздохнув от сердца и языком возглаголю* Дионисия Ареопагита •О Божественных именех•, что есть тебе, Богу, присносущные имена истинные, еже есть близостные, и что виновные, сиречь похвальные.

Сия суть сущие: Сыи (2), Свет, Истинна, Живот. Только свойственных четыре, а виновных много, сия суть: Господь, Вседержитель, Непостижим, Неприступен, Трисиянен, Триипостасен, Царь Славы, Непостоянен, Огнь, Дух, Бог, и прочая.

По сему разумевай того же Дионисия о истинне: •Себе бо отвержение - истинны испадение; истинна бо сущее есть; аще бо истинна сущее есть, истинны испадение сущаго отвержение есть. От сущаго же Бог испасти не может и еже не быти - несть•.

Мы же речем: потеряли новолюбцы сушество Божие испадением от истиннаго Господа, Святаго и Животворящаго Духа. По Дионисию, коли уж истинны испали, тут и сущаго отверглись. Бог же от существа своего испасти не может, и еже не быти - несть того в нем: присносущен истинный Бог наш. Лучше бы им в символе веры не глаголати •Господа•, виновнаго имени, а нежели •истиннаго• отсекати, в немже существо Божие содержится. Мы же, правовернии, обоя имена исповедуем и в Духа Святаго, Господа истиннаго и животворящаго, света нашего, веруем, со Отцем и с Сыном поклоняемаго, за негоже стражем и умираем помощию его владычнею.

Тешит нас той же Дионисий Ареопагит, в книге ево писано: •Сей убо есть воистинну истинный християнин, зане истинною разумев Христа и тем богоразумие стяжав, исступив убо себе, не сый в мирском их нраве и прелести, себя же весть трезвящеся и изменена всякаго прелестнаго неверия, не токмо даже до смерти бедъствующе истинны ради, но и неведением скончевающеся всегда, разумом же живуще, и християне суть свидетельствуемы•.

Сей Дионисий научен вере Христове от Павла апостола, живый во Афинех, прежде, да же не приити в веру Христову, хитрость имый исчитати беги небесныя -, егда же верова Христови, вся сия вмених быти яко умсты (3). К Тимофею пишет - в книге своей сице глаголя: •Дитя, али не разумеешь, яко вся сия внешняя блядь ничтоже суть, но токмо прелесть, и тля, и пагуба. Аз пройдох делом и ничто же обретох, токмо тщету•.

Чтый да разумеет. Ищитати беги небесныя любят погибающии, понеже любви истинныя не прияша, воеже спастися им, и сего ради послет им Бог действо льсти, воеже веровати им лжи, да суд приимут неверовавшии истинне, но благоволиша о неправде. Чти о сем Апостол, 275.


                1 - заботиться, попекаться
                2 - Сущий
                3 - грязь, нечистоты, мусор


[Далее...]

Гарь

Дугинские
тетрадки
Беседа Ответы на вопросы Евразийство и староверие Абсолют византизма Преодоление Запада Имя моё - топор Эссе о галстуке Полюс русского круга Капитализм Террор против демиурга Возвращение бегунов Такое сладкое нет Кадровые Сторож, Сколько ночи О Третьем Риме Яко не исполнилось число звериное Филолог Аввакум Мы Церковь последних времен Москва как идея Доклад на Соборе РДПЦ, белокриничан Старая Вера, круглый стол в газете Завтра Старообрядчество и Русская Нац.Идея Никола Клюев - пророк секретной России Грани Великой Мечты Rambler's Top100 Яндекс.Метрика